» Voltar

"Bandera Liberdade"

Artísta: Ferro Gaita

Ano: 2003

Ê si Própi

Tchopêti dixi poloncinho

Désdi tard´ ind´ é ca bem

Pála ca cré cu nhu muniz

É fla ma na desde qui si marido bâi

Bâi ka bem, ôh ka bem más

 

Xô pelada, dam di bó

´n ta dau di meu

Bâti bôli di cascal côcu

Nha cuscus di midju´l terra

Cufôngo na pádja midjo

Xô ô pelada, oi xô, ô pelada xô

Xô ô pelada, oi xô, ô pelada xô

 

Mininos d´hoji ca têni juiz

És ca têne ruspetu

Tempo bédju é k´éra si

Ta dixida di riba´l burro

Ta tchigáda na guentis grandi

Es ta flâ mô nhôs sta padrinho

 

És mundo d´hoji têni dor

Mundo d´hoji sta cheio de mágua

Nôs culpa di pescador

Tâ lebanu pâ perdiçon

 

Ai sinhor Deus de misericórdia

Nhô djobé pa nôs

Disunion na mund´ intêro

Ta caminha pâ fim di século

 

Nhu damion porta voz

Nhu ta fla´n guentis sábio

Ma mundo é palcu

Nôs tudo é actor

P´és fâzi guêtu

Pa nu pôdi quebi

 

Ê ma mundu ê palcu

Nós tudu ê actor

Ê p´ês fazi guêtu

Pa nu pôdi quêbi

 

Ê ka só bem stár

Qué trabadju´ l mundo

Ê ka só bem stár

Qué trabadju´ l mundo

 

Ê ka só bem stár

Qué trabadju nau

Ê ka só bem stár

Qué trabadju nau